Жұмыстың мақсаты: Бастауыш сынып оқушыларының бойында кітап оқуға деген қызығушылықты ояту және цифрлық тәуелділіктің алдын алу. Бұл жұмыс әдебиет сабақтарында қосымша көрнекі құрал ретінде пайдалануға негізделген. Жұмыстың тұжырымдамасы мен идеясы: «Сиқырлы кітаптың құпиясы: Қиялдың оянуы» комиксі — бұл заманауи технологиялар мен дәстүрлі кітап оқу мәдениетінің арасындағы тепе-теңдікті іздеуге арналғантуынды. Бүгінгі таңда «цифрлық ұрпақ» (Generation Alpha) ақпаратты тек визуалды түрде қабылдауға бейімделген. Сондықтан, біз әдебиетті оларға таныс және қызықты «комикс» форматында ұсыну арқылы, кітаптың ішкі әлемі кез келген компьютерлік ойыннан артық екенін дәлелдеуді мақсат еттім. Өзектілігі: Қазіргі таңда бастауыш сынып балаларының уақытының көпбөлігі смартфон мен виртуалды ойындарға жұмсалады. Комикс арқылы біз балаға "кітап оқу — зерігу емес, олойыннан да қызық шексіз қиял әлемі" деген идеяны жеткіземіз. Олар ұзақ мәтіндерді оқудан қашқақтайды, себебі экрандағы жылдам өзгеретін кадрларға үйреніп кеткен. Бұл комикс — осы мәселенің шешімі ретінде ұсынылған көпір. Біз балаға кітапты оқығанда оның «сиқырлы нұр» (қиял) арқылы тірілетінін көрсетіп, оқудың мотивациясын арттырамыз. Мазмұны: 20 кадрдан тұратын хикая логикалық 4 кезеңге құрылған: 1. Экзистенциалды дағдарыс: Нұрисламның смартфоны сөнген сәттегі «виртуалды вакуумды» көрсету. Бұл — қазіргі баланың жалғыздық пен зерігу алдындағы қорқынышын бейнелейді. 2. Эстетикалық трансформация: Ескі кітаптан шыққаналтын нұр — бұл білімнің жылылығы мен сұлулығыныңсимволы. Смартфонның «суық жарығына» қарама-қайшылық (контраст) ретінде берілген. 3. Мәдени ренессанс: Ер Төстік пен Кендебай батыр сияқты фольклорлық кейіпкерлердің пайда болуы — оқушының санасында ұлттық кодтың оянуы. Олар виртуалды монстрлардан айырмашылығы, рухани күш пен адамгершілік мұраттарды алып жүр. 4. Әлеуметтік нәтиже: Комикс тек бір баланың өзгеруі мен бітпейді, ол мектеп ортасындағы «кітап оқу трендіне» ұласады. Бұл — жұмыстың оңтайлы әлеуметтік моделін көрсетеді.